Wasaaradda Caafimaadka ee Falastiin ayaa sheegtay inay Ciiddanka Israel ay Waaberigii hore ee saakayto oo Khamiis ah ay toogasho ku dileen 2 Sarkaal oo ka tirsan Hay’adaha Ammaanka Falastiin.
Saraakiishaasi waxaa lagu dilay Iska-horimaad ay Ciiddanka Israel ku galeen magaalladda Al-Khaliil oo ku taalla dhulka La-haysto ee Daanta Galbeed ee Falastiin.
Wasaaradda Caafimaadka ee Falastiin waxay sheegtay in Askari 3-aad si xun loo dhaawacay uu u geeriyooday dhawacyadii soo gaaray.
Warbaainta Maxaliga ee Falastiin waxay shaaciyeen in Saraakiisha la dilay ay xubno ka ahaayeen Ciiddanka Sirdoonka Milliteriga ee Maamulka Falastiin.
Milliteriga Israel weli kama aysan hadlin dhacdadaasi lagu dilay Saraakiisha ka tirsan Hay’adaha Ammaanka ee Falastiin.
