Ciidanka hay’adda Nabadsugida iyo Sirdoonka dowlad Goboleedka Jubbaland ayaa miino nooca dhulka lagu aaso ah kasoo saaray xaafad ka tirsan Magaalada Kismaayo ee Caasimadda KMG ah ee Jubbaland.
Qoraal kasoo Taliska NISA Jubbaland ayaa lagu sheegay miinada lagu aasay xaafadda Farjanno waaxda Kuuba ee Kismaayo, isla markaana sheegay in la doonayay in lagu dhibaateeyo shacabka Magaaladaas.
Sidoo kale Saraakiisha hay’adda Nabadsugida iyo Sirdoonka ayaa tilmaamay in lagu guuleystay in miinada laga hortego, iyada oo waxyeelada u geysan dadka shacabka, lagana soo saaray halka lagu aasay.
“Ciidanka hay’adda Nabad Sugida iyo Sirdoonka Jubbaland ayaa gacanta ku dhigay Miinadan oo ay doonayeen Al-Shabaab in ay ku dhibaateyaan dadka shacabka ah ee ku nool magaalada Kismaayo” ayuu yiri Qoraalka kasoo baxay Taliska NISA Jubbaland.
12-ka bishii lasoo dhaafay ee May ayey markii sidaan oo kale ay Ciidanka nabadsugida iyo Sirdoonka Jubbaland u soo bandhigeen Miino ay sheegeen in Al-shabaab ay ku xireen gaari uu lahaa qof shacab ah oo kunool Magaalada Kismaayo.
