Wasiirka Maaliyada Xukuumadda xilgaarsiinta Cabdiraxmaan Ducaale Beyle ayaa Maanta qadka Internet-ka aalada fogaan araga ah ee ZOOM-ka uga qeyb galay shirar ay qabteen Bangiga Adduunka iyo Bangiga Horumarinta Afrika.
Shirarka ayaa waxaa looga hadlay howlaha isbadalka Maaliyadda oo wali socda  iyo barnaamijyada muhiimka ah ee Bangiga Adduunka iyo Bangiga Horumarinta Afrika ka caawinayaan dowladda Federaalka.
Wasiir Cabdiraxmaan Ducaale Beyle oo Qoraal soo dhigay bartiisa Facebook ayaa waxaa uu ku sheegay in guushii dowladda ka gaartay deyn Cafinta ay shacabka Soomaaliyeed u furtay waddooyinka badan oo horseeday horumar balaaran.
“Maanta waxa aan ka qeyb galay shirar muhiim ah oo kala ahaa Bangiga Adduunka iyo Bangiga Horumarinta Afrika, waxa aan ka wada hadalnay howlaha isbadalka Maaliyadda oo wali socda iyo barnaamijyada muhiim ka ah ee ay naga caawiyaan labadaan hey’adood†ayuu yiri Wasiirka Maaliyada Xukuumadda xilgaarsiinta.
Sidoo kale Wasiir Cabdiraxmaan Ducaale Beyle ayaa Qoraalkiisa intaas kusii daray “Guushii deyn Cafinta waxa ay ummadda Soomaaliyeed u furtay waddooyin badan oo inoo horseeday faa’iido iyo horumar balaaranâ€.
Wasiir Beyle ayaa dhawaan sheegay in dowladda Federaalka ay dhaqaale xumidii ugu darneyd ay soo wajahday, isla markaana laga joojiyay dhaqaalihii uga imaan jiray dhinaca Beesha Caalamka, wixii ka dambeeyay Bishii Ogoosto ee sanadkii 2020.