Xildhibaanada Golaha Shacabka Baarlamaanka Federaalka Soomaaliya ee muddo xileedkoodu dhammaaday ayaa Maanta oo sabti ah waxaa la filayaa inay kulan ku yeeshaan Xarunta Villa Hargeysa ee Magaalada Muqdisho.
Ajendaha kulanka Xildhibaanada ayaa waxaa lagu sheegay inuu yahay Cudurka halista ah ee COVID-19 oo mar labaad kusoo laba kacleeyay gudaha dalka, lana diiwaan-geliyay kiisas farabadan oo Cudurka ah.
Xildhibaanada Golaha Shacanka ayaa waxaa goorsii horreeysay oo xalay aheyd loo diray farriimo ku aadan in Maanta uu jiro kulan guud, isla markaana looga baahan yahay inay kasoo qeyb galaanka kulankaas.
Saacadaha soo socda ee Maanta ayaa la filayaa inuu si rasmi ah kulanka uga furmo Xarunta Villa Hargeysa ee Magaalada Muqdisho, waxaana halkaas kusii qul-qulaya Xildhibaanada Baarlamaanka, si ay uga qeyb galaanka kulanka.
Kulanka Maanta ee Golaha ayaa waxaa uu kusii aadaya, iyada oo xaaladda siyaasadeed ee dalka ay tahay mid Cakiran, isla markaana aan weli heshiis rasmi ah laga gaarin qabsoomida doorashada dhaceysa.
Baraha Bulshada ayaa waxaa siweyn Xildhibaano ka tirsan Golaha Shacabka Baarlamaanka ay ugu sheegeen inay shaki farabadan ka qabaan kulanka, iyagoona sheegay in laga cabsi qabsi qabo in dowladda dalbato muddo kororsi, waxaana kulankaas uu yahay mid Maanta isha lagu wada haayo.
