Ciidanka Booliska Magaalada Caabudwaaq ee Gobolka Galgaduud ee Maamulka Galmudug ayaa howlgalo kala duwan ka sameeyay xaafaddo ka tirsan Magaaladaas, iyagoo kusoo qabtay Maandooriyaha Qamriga.
Fagaare ku yaalla Caabudwaaq ayaa lagu burburiyay 300 Maandooriyaha Qamriga oo maalmihii ugu dambeeyay la sheegay in si qarsoodi ah loo geliyay halkaas, hayeeshee Ciidanka gacanta ku dhigeen.
Taliyha Saldhiga Booliska Caabudwaaq ayaa sheegay in howlgalkan uu ahaa mid lagu xaqiijinayo Amniga Magaalada, isagoo xusay in Maandooriyaha in lasoo geliyay gudaha Magaalada ay kusoo wargeliyeen dadka deegaanka.
Taliyaha qaybta Booliska ayaa amanay Ciidamada iyo Saraakiisha inay soo qabtay cid kasta oo qamri soo gelisa Caabudwaaq, kaasi oo uu tilmaamay in bulshada dhibaato u keeni karo, isla markaana uu ka qeyb qaadanayo amni darrada.
Magaalada Caabudwaaq ee Gobolka Galgaduud ayaa waxaa ka socda howlgal xoogan oo ay sameeyaan Ciidanka dowladda Federaalka iyo kuwa maamulka Galmudug, waxaana howlgalka halkaas ka socda lagu qabtay rag badan oo maleeshiyaad ah.
