Magaalada Baladweyne ee Xarunta Gobolka Hiiraan ayaa xalay waxaa ka dhacay Banaanbax xoogan oo rabshado watay oo looga horjeeday dowlad Goboleedka Hirshabeelle, kaasi oo ay dhigeen dadka deegaanka.
Dadweyne farabadan ayaa isugu soo baxay waddooyinka Magaalada, kuwaasi oo ahaa kuwo aad uga cadeysan doorashii ka dhacday Magaalada Jowhar ee uu kusoo baxay Madaxweyne Cali Cabdullaahi Xuseen Guudlaawe iyo Yuusuf Daba-geed.
Sidoo kale banaanbaxayaasha ayaa ku qeylinayay erayo ay uga soo horjeedan dhismaha maamulka Hirshabeelle iyo Cali Guudlaawe, isla markaana mararka qaarkood gubayay taarayo waaweyn oo kahd geliyay isku socodka gaadiidka isticmaala waddooyinka.
Dadkii dhigaayay banaanbaxa ayaa sidoo kale ahaa kuwo ka careysan xarig loo geystay xubno ganacsato ah oo lagu eedeeyey horinta banaanbaxyadii maalin kahor ka dhacay Magaalada ee lagu diidanayaa in la weeraro maleeshiyaadka Jeneraal Abuukar Xuud.
Inta uu socday banaanbaxaas ayaa waxaa kahad galay isku socodka gaadiidka, waxaana la xiray inta badan goobaha ganacsiga, iyadoona xalay oo dhan xaaladda Magaalada Baladweyne ay aheyd mid aad u kacsan.
Malamihii lasoo dhaafay ayaa waxaa jiray dadaadlo lagu doonayay in lagu dhammeeyo tabashooyin ka dhashay doorashadii ka dhacday Jowhar, kuwaasi oo intoda badan ka socday Baladweyne, hayeeshee waxaa lagu guul-dareystay, waxaana duleedka Magaaladaas Ciidamo maleeshiyaad ah ku heysan Gen Abuukar Xaaji Warsame Xuud.