Dowlad Goboleedka Puntland ayaa mar kale Maanta soo saartay Digniin ku socota dadka degan deegaanadeeda oo ku aadan roobab xoogan oo dabeylo wata oo laga cabsi qabo inay ka da’aan halkaas.
Qoraal uu soo saaray Agaasimaha Madaxtooyada Maamulka Puntland Jaamac Dabaraani ayuu ku sheegay in deegaanada Maamulka ay kusoo wajahan yihiin roobab xoogan oo dabeylo wata gaar ahaan dhulka xeebaha ku teedsan.
Dadka degan dhulka hooseeya ayuu Afhayeen Jaamac Dabaraani ugu baaqay inay muujinayaan taxadar dheeraad ah, isla markaana ka fogaadan halkaas ay degan yihiin, si aysan dhibaato uga soo gaarin roobabka.
“Dowladdu waxay Bulshadda ku wargelinaysaa inay taxadar dheeri ah muujiyaan xiligan oo roobab dabaylo wata laga saadaalinayo dhulka xeebaha teedsan ee Puntland. Dadku ha ka fogaadaan dhulka godan, kaluumaysatadu ha muujiso taxadar, waxaan illaahay ka baryaynaa in Roobabku noqdaan kuwo kheyr wata oo alle dadka wax ku yeellin†ayuu yiri Dabaraani.
Deegaano dhowr ah oo ka tirsan Maamulka Puntland ayaa waxaa horey uga da’ay roobab xoogan oo dabeylo watay, isla markaana sababay khasaaro nafeed iyo mid hantiyadeedba, sidoo kalena ay jireen Digniino horey ay soo saartay Puntland.
