Duqa Degmada Gaalkacyo ee Galmudug Cabdiraxmaan Shiikh Xasan oo ay Weheliyaan Ku Xigeenkiisa Maxamed Cabdi Cilmi iyo Gudoomiye Ku Xigeenka Gobalka Mudug Qoodaar ayaa Magaalada Gaalkacyo kusoo dhaweeyay Wasiirka shaqada Iyo Arimaha Bulshada Dowladda Federaalka Soomaaliya Duraan Ahmed Faarax iyo Wafdi uu hoggaaminayo
Waxaa Sidoo Kale Soo Dhaweynta Wasiirka Qayb Ka ahaa Boqolaal Ka Mid ah Shacabka Gaalkacyo oo Gacmo Furan Kusoo Dhaweeyay Wasiirka iyo Wafdigiisa oo Baryahaan Booqasho Ku Joogay Gobalka Mudug.
Duqa Degmada Gaalkacyo oo Wasiirka Soo Dhaweeyay ayaa sheegay in Gaalkacyo ay baahi Weyn u Qabto in lasoo gaarsiiyo waxqabadka Dowladda Federaalka Soomaaliya Qaasatan Hawlaha Wasaaradda Shaqada Iyo Arimaha Bulshada.
Wasiirka Shaqada iyo Arimaha Bulshada Dowladda Soomaaliya Duraan Axmed Faarax ayaa u Mahadceliyay Maamulka iyo Shacabka Gaalkacyo ee Sida Diiran Usoo Dhaweeyay Wuxuuna sheegay in uu qiimayn doono baahiyaha dhinaca arimaha Bulshada ee Ka jira Gaalkacyo Dowladda Federaalkuna Wax Ka qaban doonto
