Gelinkii dambe ee shalay ayaa waxaa xeebta degmada Gumbax ee Gobolka Gardafuu ee Maamulka Puntland kusoo caarisay  doon siday shixnad farabadan, taas oo maalmihii lasoo dhaafay dul-sabeyneysay xeebta deegaanka Raasa-bibna ee Gobolka Bari.
Dadka deegaanka ayaa ku warramay in doonta oo sida Shixnad Ganacsi farabadan ay u suuga-gelin weyday inay ku xirato dekadda Magaalada Boosaaso, isla markaana ay saddexdii maalin ee lasoo dhaafay taagneyn xeebta Raasa-bibna.
Mas’uul ka tirsan Maamulka degmada Gumbax ee Gobolka Gardafuu ayaa warbaahinta u sheegay in doonta ay kusoo caarisay xeebta deegaankaas, taasi oo u raran Ganacsto Soomaaliyeed.
Ugu yaraan shan qof oo ah shaqaale Ajaaniib ah una dhalatay dalka Yemen ayaa saarneyd doonta, waxaana socda dedaalo lagu doonayo in lagu soo badbaadiyo doontaasi iyo hantida u saaran ganacsatadaasi Soomaaliyeed ee ku wajahnayd gudaha dalka.
Ma’ahan markii ugu horreeysay oo doon sida Shixnad Gancasi kusoo caarisa xeebta deegaano ka tirsan Puntland, waxaana horey u dhacday in doonyo farabadan ay ku xiran waayeen Dekadda Boosaaso, kadib markii carro dhuux-dhaafisay halkii ay soo mari lahaayeen doomaha.