Ciidamada Ammaanka Magaalada Dhuuasamareeb ee Xarunta Gobolka Galgaduud ayaa gacanta ku dhigay Aabbe iyo Wiil uu dhalay oo lagu eedayay in ay dileen Wiilkooda oo dhimirka ka Xanuunsanaa, kaasi oo Xalay Degaanka Mareergur lagu dilay.
Ciidanka oo Holwgallo Sameeyay ayaa lasoo sheegayaa in ay Gacanta ku hayaan Aabbihii dhalay Marxuumka iyo Walaalkiis, kuwaasi oo looga shakisan yahay in ay dileen Marxuumka Xalay lagu dilay degaankaasi Mareergur.
Marxuumka Xalay la dilay ayaa lagu Magacaabaa Tima Jilic Haareey, waxana hadda dilkaasi looga shakisan yahay Aabbihiis Haareey Jaamac iyo Wiil la dhashay Marxuumka oo lagu Magacaabo Gallad Haareey.
Waxa Xusid mudan in Marxuumka la dilay uu ahaa Qof dhimirka ka Xanuunsan, waxaana uu ku xirnaa Geed ku yaalla Guriga Reerka uu ka dhashay.
Saaka ayay dadka degaanka Mareeergur kusoo Waaberiisteen dhacdadan oo arga-gax ku Abuurtay, waxaana la sheegay in Dadkii falka gaystay ay ku saantirteen Laamiga, waxana goobta gaaray Ciidanka Ammaanka iyagoo Baaritaanno billaabay.+
