Dhacdo aad u Xanuun badan oo naxdin ku abuurtay dadka degaanka ayaa ka dhacday Dowlad degaanka Soomaali Galbeed, waxaana jira faah faahinno dheeraad ah oo laga helayo dhacdaaas arga-gaxa leh.
Dhacdadaan ayaa ka dhacday Magaalaada Dhagaxbuur waxaana ay la yaab ku noqotay Bulshada ku nool Magaaladaas kadib markii dil fool xun loogu gaystay Maxamad Cabdi Budul oo ahaa wiil dhallinyaro ah.
Marxuumka la dilay ayaa waxa ballamiyay sida la sheegay Nin uu lacag dayn ah ku lahaa, kaasi oo sida la sheegay shir qool u diyaariyay marxuumka, waxaana la sheegay in uu gowracay markii uu u yimid Maxamad Cabdi Budul oo ah Marxuumka la gawracay.
Dhacdadaan ayaa markii ay ka wer heleen dadka degaanka ee ku nool magaalada Dhagaxbuur ayaa waxaa ay ku noqotay mid Arga-gax ku abuurtay, waxaana ay sheegeen dadka degaanku in ilaa iyo hadda ay la yaaban yihiin sida wax u dhaceen.
Ciidanka ammaanka ayaa gaaray goobta falka gowraca ahi uu ka dhacay, waxaana ay sameeyen howlagallo lagu soo qab-qabtay eedeysanihii la sheegay in uu gowracay marxuum Maxamad Cabdi Budul iyo dad la sheegay in ku lug leeyihiin falka, sidoo kale waxaa jira sida la sheegayo tuhmanayaal kale oo iyagana lagu raad joogo.
Dhacdada oo ah mid aad u fool xun ayaa dadka degaanku waxaa ay sheegeen in aysan horay uga dhicin degaanka iyo guud ahaa Magaalada dhagaxbuur.
