Wararka aan ka helayno degaanno hoostaga Degmada matabaan ee Gobolka Hiiraan ayaa ku warramaya in Saaka uu halkaasi ka dhacay dagaal khasaare dhimasho iyo dhaawac leh dhaliyay, waxana kasoo baxaya warar kala duwan oo ku aaddan dagalkaasi.
Dagaalka ayaa u dhexeeya laba malleyshiyo beeleed oo sida la sheegay isku haysta Dhul daaqsimeed, waxaana la sheegayaa in dagaal koodu uu saaka billowday.
Wararku waxaa ay sheegayaan in dagaalku uu si gaar ah uga dhacay degaanka Xajiin farayar oo u dhexeeya ilguulle iyo bilcille oo hoostaga degmada mataabaan ee Gobolka Hiiraan.
Inta la xaqiijayay hal qof ayaa ku dhintay oo dhinacyadii dagaalamay ah, waxaana jira dhaawac intaas ka badan oo soo kala gaaray dhinacyada dagaalamay, waxaaan uu la xariiraa dagaalku sida ay wararku sheegayaan Aanooyin Qabiil.
Xaaladda degaankii lagu dagaalamay ayaa ah mid kacsan, waxaana wali socda hub uruursi ay wadaan dhinacyada Saaka dagaalamaya, waxaana dadka degaanku aysoo sheegayaan in xaalad kacsanaan ah ay ka taagan taahay Degaan Xajiin farayar oo ah halka dagaalku ka socdo, walina ay isku hor fadhiyaan malleyshiyaadku.
