Maxkamadda Ciidamada Qalabka Sida ee dowlad Goboleedka Jubbaland ayaa Maanta xukun ku riday mid kamid ah ragii weerarka ku qaaday sanadkii hore Hotelka Cas-casey ee Magaalada Kismaayo ee Xarunta Jubbada Hoose.
Maxkamadda Ciidamada ayaa soo gaba-gabeeysay dhageysiga Dawaca loo heysto Deeq Caliyoow Kuusoow oo la sheegay inuu kamid ahaa ragii weeraray Hotelka Cas-casey 12 kii July sanadkii hore ee 2019.
Xeer Ilaaliyada Maxkamadda Jubblaland ayaa Maxkmadda ka dalbaday in eedeysanaha lagu rido xukun dil toogasho ah, kadib markii uu ka qeyb qaatay weerarkii khasaaraha ka badan geystay ee ka dhacay Magaalada Kismaayo.
Maxkamadda Ciidamada Qalabka Sida ee Jubbaland ayaa xukun dil toogasho ah ku riday Caliyoow kuusoow Sida uu ku dhawaaqay Bashiir Maxamuud Xareed Guddoomiyaha Maxkamadda Ciidamada.
Si kastaba weerarkii lagu qaaday sanadkii hore Hotelka Cas-casey ee Magaalada Kismaayo ee Xarunta Jubbada Hoose ayaa waxaa ku geeriyooday 26 ruux oo ay ku jiraan Wariyeyaal oo kamid aheyd Hodan Naaleeye iyo dad kale oo magic lahaa, waxaana ku dhaawacmay 50 qof, iyadoo Mas’uuliyadiisa sheegatay weerarkaas Al-shabaab.
