War Goordhow Idaacadda Dalsan kasoo gaaray Xarunta Xabsiga dhexe ee Xamar ayaa sheegaya in halkaas laga dhex maqlayo rasaas xoogan oo u dhexeeysa rag hubeysan iyo Ilaalada Xarunta Xabsiga.
Wararka la helayo ayaa sheegaya in Xabsiga dhexdiisa lagu toogtay qaar kamid ah Ilaalada Xabsiga, halka dad kalena lagu dhaawacay, in kastoo weli aan si rasmi ah loo ogeyn Khasaaraha jira.
Wararka ayaa inaas kusii daraya in saddex ruux oo kamid ahaa Maxaabiista xabsiga ay qoryo qaateen, isla markaana ay toogasho ku bilaabeen Askartii ilaalada ka aheyd halkaas.
Ciidamo la tirsan kuwa Asluubta iyo kuwa Booliska dowladda ayaa gebi ahaan xiray waddooyinka gala iyo kuwa kabaxa Xarunta Xabsiga, waxaana cakiran xaaladda ka jirta Xaruntaas.
Wixii kasoo kordha Wararkaan Radiodalsan.com kala soco Insha Allaah.
