Golaha Wakiilada maamulka Somaliland iyo kulamadii Guddiga Joogtada ayaa la fasaxay muddo dhan Afar todobaad ah sababo la xiriira ka hortega faafida Cudurka halista ee Coronavirus.
Qoraal kasoo baxay Xafiiska Guddoomiyaha Golaha Wakiilada Somaliland Baashe Maxamed Faarax ayaa lagu sheegay in la fasaxay kulamadii Golaha ay yeelan jireen laga bilaabo Maalinta ay taatiikhdu tahay 21-ka ee bishaan Maarso ee 2020.
Qoraalka Guddoomiye Baashe Faarax ayaa Xildhibaanada waxaa lagu faray inay ka qeyb qaatan wacyo-gelinta loo jeedinayo shacabka, kuwaasi oo la xiriira sidii looga hortegi lahaa Cudurka Coronavirus.
Somaliland ayaa bilowday siyaabooyin kala duwan oo ay uga hortegeyso faafida Cudurka Coronavirus, iyadoona xirtay Goobo badan oo ay shacabka isugu yimaadan.
Hoos ka Akhriso Qoraalka kasoo baxay Guddoomiyaha Golaha Wakiilada Somaliland.
