Wasiir ku xigeenka Wasaaradda Qorsheynta, Maal-gashiga iyo Horumarinta Dhaqaalaha ee dawladda Federaalka Soomaaliya Xildhibbaan Fahma Axmed Nuur iyo wafti ay hoggaaminayso oo ka socday Waaxda Maal-gashiga ee Wasaaradda Qorsheynta, ayaa dalka Masar kaga qeyb-galay shir ku saabsan Maal-gashiga Afrika ee 2019.
Shirkan, ayaa waxa iskugu yimi dawladaha Afrika, Deeq-bixiyeyaasha, Maal-gashadeyaal iyo weliba Baananka Horumarinta aduunka.
Shirka ayaa laga ga hadlay qorshaha horumarinta Afrika ee 2063, gaar ahaan dhinacyada Maal-gashiga oo ay Soomaaliya ka mid tahay, waxaana halkaas laga ga hadlay dhaqaale ay Baananka Aduunku ay maal-gashi kaga sameynayaan guud ahaan Afrika.
Wasaaradda Qorsheynta Soomaaliya, ayaa muddooyinkii dambe waday dedaalo ay dalka ugu soo jiidayso Maal-gashadeyaal caalami ah, waxaana ay aad ugu mashquulsan tahay siddii dalka looggu diyaarin lahaa Maal-gashi gudeed iyo mid dibaddeed ba oo caalami ah.