Guddoomiyaha Golaha Shacabka Maxamed Mursal Sheekh Cabdiraxmaan ayaa waxaa uu sheegay in todobaadka kasta maalinta Axada la qorsheeyay in Golaha Wasiirada ay horyimaan Xildhibaanada Golaha Shacabka.
Guddoomiye Mursal ayaa waxaa uu sheegay in Xildhibaanada ay Su’aallo weydiin doonaan Golaha Wasiirada Xukuumadda Federaalka Soomaaliya, kuwasi oo la xiriira shaqooyinkooda.
Sidoo kale Guddoomiyaha Golaha Shacabka ayaa waxaa uu tilmaamay in qorshaha la doonayo in Su’aallo lagu weeydiinayo Golaha Wasiirada uu keenayo isla-xisaabtan daahfuran iyo in la saxo waxyaabaha qaldama.
Ugu dambeyntii Guddoomiye Mursal ayaa Guddiyada Baarlamaanka ka dalbaday inay la wadashaqeyn la yeeshaan Wasaaradaha Xukuumadda ee shaqadu kala dhaxeeyso si Golaha uu ula socdo howlaha.
Hoos ka Dhageyso Codka Guddoomiyaha Golaha Shacabka.
