Xili Ra’iisul Wasaaraha Xukuumadda Fedraalka Somalia Xasan Cali Kheyre uu booqasho ku tegay dhowr jeer deegaanada Xeraale iyo Huurshe is loo dhameeyo colaad in mudda ah soo kala dhex tiilay dadka dega deegaanadaas ayaa shalay la dhameystiray Heshiiskaas.
Goob fagaara ah oo uu ka dhacay heshiiska dhameystirka ah waxaa ka qeyb galay masuuliyiin ka tirsan dowladda odayaasha labada dhinac iyo shacab aad u fara badan kuwaas oo la iskugu keenay halkaas si ay goobjoog uga noqdaan qodobada la kala saxiixanayay.
Waxayaabaha lagu heshiiyay ayaa waxaa ku jira in labada dhinac ay soo wareejiyaan hubka u yaalla deegaanada Xeraale Huurshe iyo meelo kale si looga baaqsado dagaal mar kale soo laabta iyo in si joogta ah looga shaqeeyo hubinta hirgelinta heshiiska iyo cidda jebisa.
Dadka deegaanka oo ka hadlay madasha lagu saxiixay heshiiskaan ayaa cadeeyay in ay aad ugu faraxsanyihii dib u soo laabashada nolosha deegaanadaas oo dhalinyaro badan ay ka hareen waxbarashadoodii sababo la xiriira colaadda daba dheeraatay
Halkaan Ka Dhageyso Codka