Madaxweynihii hore ee Soomaaliya Xasan Sheekh Maxamuud ayaa ka hadlay Xayiraadii dowladda Soomaaliya kusoo rogtay Garoonka diyaaradaha Magaalada Kismaayo,taasi oo dhibaatooyin kala duwan ay ku qabaan dadkii u duuli lahaa halkaas.
Xasan Sheekh Maxamuud ayaa waxaa uu sheegay in xaalad Murugo ah ay tahay in dowladda Soomaaliya haatan maareynta hawada u isticmaasho hub siyaasadeed oo saameyn Culus yeeran karta arrintaas.
War qoraal ah oo bartiisa rasmiga ah ee Twitter-ka kusoo qoray ayuu sheegay Xasan Sheekh in Soomaaliya ay muddo 30 sano ah sugeysay inay gacanta ku dhigto maamulka Hawadeeda.
“Waa xaalad murugo leh in dowladdu u isticmaasho maareynta hawada sidii hub siyaasadeed oo saameyn culus ku yeelan kara xasilloonida siyaasadeed iyo midnimada dalkaâ€ayuu yiri Xasan Sheekh Maxamuud.
Ugu dambeyntii Madaxweynihii hore ee Soomaaliya Xasan Sheekh Maxamuud ayaa waxaa uu dowladda Federaalka ugu baaqay inay ka fikirto tallaabada ay qaadeyso,isla markaana ay joojiso sida ay hada loo wado.
Si kastaba hadalka Xasan Sheekh ayaa waxaa kusoo aadayaa,iyadoo Maanta dowladda Federaalka Garoonka diyaaradaha Aadan Cadde ee Muqdisho ku xayirtay Sheekh Shariif Sh Axmed,isla markaana ka joojisay diyaarad uu ugu ambabixi lahaa Magaalada Kismaayo.
