Faah faahino dheeraad ah ayaa ka soo baxaya qarax Caawa ka dhacay Isgoyska Xaaji Baasto ee Magaalada Muqdisho,kaasi oo geystay Khasaaro isugu jira dhimasho iyo dhaawac.
Qaraxa oo ahaa miino ayaa waxaa goobjoogayal ay sheegeen in la dhigay laamiga dhinaceeda gaar ahaan Maqaayad Cusub oo mar dhow la furay laguna magacaabo Al Caasimah,taasi oo ku taalo Isgoyska Xaaji Baasto ee wadada Maka Al-Mukarama.
Ugu yaraan laba Askari oo ilaalo u aheyd Xildhibaan Cabduqaadir Carabow oo ka tirsan Baarlamaanka Soomaaliya ayaa ku geeriyooday qarxaas,kuwaasi oo saarna gaari,isla markaana xiligaas mararay wadada iyo nin watay Mooto Bajaaj oo isna goobta ku sugnaa.
Sidoo kale qaraxa ayaa waxa ku dhaawacmay dad shacab ah oo xiligaas goobta ka Agdhawaa,waxaana dhaawacyadooda loo qaaday mid kamid ah Goobaha Caafimaad eek u yaalla Magaalada Muqdisho.
Waa qaraxii labaad ee Maanta ka dhacay Magaalada Muqdisho,iyadoo saakay qarax miino ah uu ka dhacay duleedka Muqdisho,kaasi oo lala eegtay gaari ay socdeen Injineerada dhiseysa wadada isku xirta Muqdisho iyo Afgooye,waxaana ku dhaawacmay mid kamid ah Injineerada iyo Askar ilaalo u aheyd.