Madaxweynaha Jamhuuriyadda Federaalka Soomaaliya Maxamed Cabdullaahi Farmaajo iyo wafdi uu hogaaminayo ayaa lagu wadaa in Maanta ay  gaaraan Magaalada Dhuusamareevb ee Caasimadda dowlad Goboleedka Galmudug.
Safarka Madaxweyne Farmaajo ee Dhuusamareeb ayaa waxaa qeyb ka ah Xildhibaano ka tirsan labada Golle ee Baarlamaanka,Wasiiro iyo Mas’uuliyiin kale oo ka tirsan dowladda.
Garoonka diyaaradaha Dhuusamareeb iyo gudaha Magaalada ayaa waxaa laga dareemayaa diyaar garoowga soo dhaweynta Madaxweynaha Soomaaliya oo saacadaha soo socda tegayo halkaas.
Madaxweyne Farmaajo ayaa markii uu gaaro dhuusamareeb waxaa uu soo xiro doonaa Shirka dib u heshiisiinta Galmudug oo maalmihii lasoo dhaafay ka socday halkaas,isla markaana looga tashanayay sidii loo dhisi lahaa Galmudug mideysan oo loo dhan yahay.
Sidoo kale inta Madaxweyne Farmaajo uu ku sugan yahay halkaas waxaa kulamo kala duwan ka qaadan doonaa Ergooyinka ka qeyb galayay Shirka,isagoo ka hadli doona cabashooyinka ay qabaan iyo arrimo kale oo quseysa Galmudug.
Ammaanka Guud ee Magaalada Dhuusamareeb ee Caasimadda maamulka Galmudug ayaa Maanta siweyn loo adkeeyay,waxaana amniga sugaya Ciidamo farabadan oo qeyb ay ka yihiin Ciidanka Ilaalada gaarka Madaxweynaha ee Koofiyo Casta,Ciidanka Harmacad iyo kuwa Midowga Afrika ee AMISOM.