Warar dheeraad ah ayaa ka soo baxaya Nin ku hubeysnaa Bastoolad oo xalay gudaha Magaalada Laascaanood ee Xarunta Gobolka Sool ku dilay Askari la sheegay inuu ka tirsnaa Ciidanka Asluubta Somaliland.
Dilkaas ayaa waxaa uu ka dhacay agagaarka xabsiga Laascaanood,isla markaana Ninka hubeysnaa uu rasaas dhowr ah ku furay Askari ka tirsanaa Ciidanka Asluubta xili uu halkaas ku sugnaa Barlamaha Magalada,isagoonta goobta ku geeriyooday.
Sidoo kale dadka deegaanka ayaa sheegay in rasaasta lagu furay Askariga dhaawac uu ka soo gaaray qof shacab ah oo la tilmaamay in Haweeney ay aheyd,waxaana loolal cararay Isbitaalka guud ee Laascaanood.
Ciidamo ka tirsan kuwa Booliska Somaliland ayaa xalay waxaa ay howlgalo kala duwan ay ka sameeyeen Xaafado ka tirsan Laascaanood,iyagoo ku raadinayay ruuxii ka dambeeyay dilkii halkaas ka dhacay.
Ilaa iyo hada ma jiro wax war ah oo ka soo baxay laamaha amniga Magaalada Laascaanood ee Xarunta Gobolka Sool oo ay uga hadlayaan dilkii loo geystay Askari ka tirsanaa Ciidanka Asluubta Somaliland iyo howlgalkii xalay laga sameeyay halkaas.
