Mas’uuliyiin ka tirsan Gobolka Sh/Dhexe oo Qarax lagula eegtay Duleedka Balcad

Wararka aan ka heleyno Duleedka Degmada Balcad ee Gobolka Shabeellaha Dhexe ayaa waxaa ay sheegayaanin halkaas Qarax lagula eegtay Kolonyo ay la socdeen Mas’uuliyiin ka tirsan Hirshabeelle.

Qaraxa oo ahaa miino nooca dhulka lagu aaso ah ayaa waxaa Kolonyada lagula eegtay xili ay marayeen deegaanka Gololey oo ku yaalla inta u dhexeeysa Magaalada Jowhar iyo Balcad.

Wararka ayaa intaasi waxaa ay ku darayan in gaadiidka qaraxyada lala eegtay uu la socday Guddoomiye ku-xigeenka arrimaha maaliyada Gobolka Shabeellaha Dhexe Shitaawe iyo xubno kale oo ka tirsan Hirshabeelle.

Sidoo kale qaraxaas ayaa waxaa ka dhashay Khasaaro isugu jira dhimasho iyo dhaawac,in kastoo aan si dhab ah loo cadeyn inta uu la egyahay.