Ra’iisul Wasaaraha Xukuumadda Federaalka Soomaaliya Xasan Cali Kheyre oo ku sugan Degmada Xudur ee Gobolka Bakool ayaa xalay waxaa halkaas loogu sameeyay kulan soo dhaweyn ah.
Kulankaas ayaa waxaa siwada jir u soo qabanqaabiyay Bulshada ku dhaqan Xudur iyo maamulka Koonfur Galbeed Soomaaliya,waxaanaa Ra’iisul Wasaare Kheyre uu Khudbad u jeediyay dadkii ku sugnaa Munaasabadda.
Ra’iisul Wasaaraha Soomaaliya ayaa sheegay in kulan uu la qaatay Odayaasha dhaqanka Xudur ay ugu soo bandhigeen baahiyaha kala duwan ay qabaan,isla markaana u baahan yihiin in loo qabto adeegyo kala duwan oo nolosha Aasaasi u ah.
Intaasi kadib Xasan Cali Kheyre ayaa hey’adaha caalamiga ah ee ka howl gala dalka iyo dowladda Soomaaliya faray in sida ugu dhaqsaha badan si buuxda ay waxkasto u baahan yihiin ugu qabtaan Bulshada kunool Degmada Xudur ee Degmada Bakool.
Sidoo kale Ra’iisul Wasaare Kheyre ayaa tilmaamay in hey’adaha caalamiga ah ee ka howl gala dalka lagula xisaatami doono hadii ay wax u qaban waayan Bulshada Xudur.
Si kastaba Ra’iisul Wasaaraha Soomaaliya ayaa shalay gaaray Degmada Xudur ee Gobolka Bakool,iyadoo halkaas siweyn loogu soo dhaweeyay.
Hoos ka Dhageyso Codk RW Kheyre.