Shirka Dib-u-heshiisiinta Galmudug ayaa ka socda Magaalada Dhuusamareeb Caasimadda dowlad Goboleedka Galmudug,kaasi oo ka qeyb galayan dhammaan beelaha deegaanada Galmudug.
Shir-weynaha ayaa inta uu socdo waxa ay reer Galmudug uga tashanayaan dhismaha dowad gobaleedka Galmudug iyo qabsoomidda doorasho xor iyo xalaal ah oo horseedda in maamulka ay dhisanayan uu noqdo maamul ku hoggaamiya wadada horumarka, xariir wannaagsanna la leh dowladda federaalka Soomaaliya.
Hoolka uu Shirka ka socdo ayaa waxaa ku sugan Guddoomiyaha Guddiga Dib-u-heshiisiinta Galmudug iyo inta badan Ergooyinka ka qeyb galaya Shirka,kuwaasi oo ku matalaya beelaha dega Galmudug.
Ammaanka guud ee Magaalada Dhuusamareeb ee Caasimadda dowlad Goboleedka Galmudug ayaa siweyn loo adkeeyay,waxaana sugida amniga iska kaashnaya Ciidamo gaar ah oo ka tirsan dowladda Federaalka iyo kuwa AMISOM.
