Ra’iisul Wasaaraha Xukuumadda Federaalka Soomaaliya Xasan Cali Kheyre oo ku sugan Magaalada Baydhabo ee Xarunta Gobolka Baay ayaa kormeeray qaar kamid ah Wasaaradaha dowlad Goboleedka Koonfur Galbeed.
Kormeerka Ra’iisul Wassaare Kheyre ayaa waxaa ku wehlinayay Madaxweynaha Koonfur Galbeed Cabdicasiis Xasan Maxamed Lafta-gareen iyo xubno kale oo ka tirsan maamulkaas.
Wasaaradaha uu booqday Xasan Cali Kheyre ayaa waxaa kamid ahaa Wasaaradaha Maliyada iyo Qorshaynta ee dowlad Goboleedka Koonfur Galbeed, isla markaana waxaa kusoo dhaweeyay Madaxda Wasaaradaha iyo shaqaalaha ka shaqeya
Sidoo kale Ra’iisul Wasaare Kheyre ayaa kormeer ku tegay Xarunta Madaxtooyadda Koonfur Galbeed ee Magaalada Baydhabo,isagoona ku soo wareegay Xafiisyada kala duwan ee leedahay Xarunta.
Ra’iisul Wasaaraha Xukuumadda Federaalka Soomaaliya ayaa lagu wadaa inta uu ku sugan Magaalada Baydhabo inuu kormeer kale ku tego Goobo muhiim ah oo ku yaalla halkaas.