Meydka Sarkaal ka tirsanaa Ciidanka Midowga Afrika ee AMISOM oo ka soo jeeda dalka Uganda ayaa waxaa la helay Guri uu ka deganaa Xarunta AMISOM ee Xalane ee Magaalada Muqdisho.
Sarkaalka Meykiisa laga helay Xarunta AMISOM ayaa magaciisa lagu sheegay Edward Bagonza,waxaana uu ahaa mid kamid ah kaaliyayaasha Taliyaha Booliska AMISOM ee Soomaaliya.
Ilaa iyo hada lama oga waxa sababay Geerida Saraalkaas ka tirsanaa Ciidanka Midowga Afrika ee AMISOM kana soo jeeda dalka Uganda,waxaana inuu dhintay xaqiijiyay Saraakiil ka tirsan Ciidanka AMISOM,waxaana Meydkiisa la helay 7-ka Bishan September.
Sidoo kale ma jiro wax war ah faahfaahin ah oo laga bixiyay Geerida Edward Bagonza,waxaana uu kamid ah noqonayaa Saraakiil badan oo Uganda uga dhintay gudaha dalka Soomaaliya.