Magaalada Kismaayo ee Xarunta Gobolka Jubbada Hoose ayaa Maanta waxaa Shir deg deg ah ku yeeshay Guddiga amniga dowlad Goboleedka Jubbaland.
Shirkan ayaa waxaa looga hadlay xariga Wasiirka amniga Jubbaland Cabdirashiid Cabdi Xasan Nuur Janan oo shalay Ciidamo ka tirsan kuwa dowladda Soomaaliya ay ku xireen Garoonka diyaaradaha Aadan Cadde ee Magaalada Muqdisho,xili uu Transat u ahaa Addis Ababa.
War-saxaafadeed ka soo baxay Guddiga amniga Jubbaland ayaa waxaa lagu sheegay in xariga Wasiir Janan uu yahay mid aan raad ku laheyn sharciga, xuquuqda Mas’uuliyiinta Xasaanada leh iyo xaqa Muwaadinka Soomaaliyeed.
Sidoo kale Jubbaland ayaa sheegtay inay ka walaacsan tahay nolosha ammaan iyo badqabka Wasiirka amniga dowlad Goboleedka Jubbaland Cabdirashiid Janan.
Ugu dambeyntii Guddiga amniga Jubbaland ayaa ugu baaqay cid kasta oo ku lug leh tallaabada lagu xiray Cabdirashiid Cabdi Xasan Nuur Janan inay si deg deg ah dib ugu soo celiyaan xorriyadiisa.
Hoos ka Akhriso Warka soo baxay Guddiga amniga Jubbaland.
