Waxaa deggan xaaladda magaalada Dhuusa-Mareeb kadib markii shalay halkaas ay ka dhaceen dibadbaxyo iska soo hor jeeda kuwaas oo kala taageersan dowladda iyo maamulka Ahlu-sunna Waljamaaca.
Magaalada ayaa xalay ku waa bariisatay jawi nabad gelya ah waxaana xasilooni laga dareemayaa xaafadaha kala duwan in kasta oo ay dad badani shalay iskugu soo baxeen qeybaha magaalada.
Dibadbaxyadu waxa ay ka dambeeyeen kadib markii labada dhinac eek ala ah Ahlu-sunna iyo dowladdu ay isku eedeeyeen in midba midka kale uu jebiyay qodobadii ku qornaa heeshiis ay wada gaareen.
Hoggaanka Ahlu-sunna ayaa shaacisay in uu bur-buray heshiiskii ay la gakleen dowladda markii ay dhaqan geli weysay sida ay sheegeen amni darrana ka abuurtay magaalada Dhuusa-Mareeb iyaga oo xaqiijiyay in ay la dagaalamayaan ciidamada dowladda hadii laga fursan waayo sida ay hadalka u dhigeen.
Dhinaca klaana dowladda fedraalka Somalia gaar ahaa wasaaradda arrimaha gudaha ayaa iyana sheegtay in uu cadyahay heshiiska ay la galeen dowladda Ahlu-sunna isla markaana uu ka koobanyahay 10-qodob oo oo uu saxiixay madaxa xukuumadda Galmudug Sheikh Maxamed Shaakir iyo Cabdi Maxamed Sebriye oo ah wasiirka arrimaha gudaha hase’ahaatee dhinaca Ahlu-sunna uu ka socon wayay heshiisku.
Magaalada Dhuusa-Mareeb ayaa shalay waxaa ka dhacay kulamo aan loo kala kicin kuwaas oo looga hadlayay mustaqbalka Galmudug gaar ahaana kan magaa,.ada Dhuusa-mareeb.
Warar soo baxaya ayaa sheegaya in hoggaabnka culumaa’udiinka Ahlu-sunna ay ogolaadeen in shaqada dowladda loo madax banaaneeyo isla markaan sidiisii uu ahado heshiiska laba dhinac waxna aan laga bedelin.