Madaxweynaha maamulka Galmudug Axmed Ducaale Geelle Xaaf ayaa maanta khudbad ka jeediyay shirka ka socda magaalo xeebeedka Hobyo kaas oo ay ka qeybgelayaan xildhibaano ka tirsan labada aqal oo ka soo jeeda halkaa madaxweynayaashii soo maray maamulka Galmudug iyo odayaal dhaqan.
Khudbadda madaxweynaha maamulka Galmudug uu ka jeediyay halkaas ayuu uga hadlay arrimo badan oo quseeya Galmudug si gaar ah waxa uu u soo hadl qaaday in dib u heshiisiin loo sameeyo beelaha dega Galmudug,sidoo kalana la gaarsiiyo gobolka Hiiraan.
Axmed Ducaale Gelle Xaaf ayaa ka hadlay heshiiskii dhex maray dowladda iyo isaga oo khilaaf dheer uu ka dhaxeeyay waxaana uu tilmaamay in laba bil ka hor dowladda uu ka aqbalay in la dhameeyo khilaaf soo kala dhex galay madaxda Galmudug si gaarana uga taagnaa Cadaado,Dhuusa-Mareeb iyo deegaano kale.
Dowladda Somaliya waxa uu caddeeyay in ay shaqo ka bilowday magaalada Dhuusa-Mareeb hase’ahaatee ay soo baxeen dul-duleelo iyo kala shaki Ahlu-sunna iyo dowladda ah.
Galmudug waxa uu sheegay in ay noolyihiin madaxdeedii isla markaana looga fadhiyay dowladda isku soo dhaweyn dadka dhexdiisa ah iyo dib u heshiisiin laga sameeyo galmudug,isaga oo sheegay in ay noolyihiin Wasiiradii iyo madaxdii kale ee Galmudug talada ay wax ku leeyihiin.
