Madaxweynaha maamulka Galmudug Axmed Ducaale Geelle Xaaf iyo wafdi uu hogaaminayo ayaa Goordhow gaaray Magaalada Hobyo ee Gobolka Mudug ,iyadoo halkaas lagu siweyn loogu soo dhaweeyay.
Madaxweyne Xaaf ayaa safarka uu ku tegay Hobyo waxaa uu ahaa mid aan horey loo sii shaacin,isla markaana waxaa Garoonka diyaaradaha kusoo dhaweeyay Agaasimaha Guud ee wasaarada Arimaha Gudaha Galmudug iyo masuuliyiin ay ka mid yihiin kuwa ka qeyb galayay shirka ka socda halkaas.
Madaxweynaha ayaa bulshada ku dhaqan Hobyo waxa uu kaga mahadceliyay sida diiran ee loogu soo dhaweeyay waxa uuna inta uu joogo Magaalada la kulmi doona qeybaha kala duwan bulshada
Axmed Ducaale Geelle ayaa ka ambabaxay Magaalada Muqdisho oo ku sugnaa tan iyo markii uu heshiiska la galay dowladda Federaalka Soomaaliya,isla markaana Mas’uuliyada Galmudug ku wareejiyay Xukuumadda.
Sidoo kale inta uu hobyo sugan yahay Madaxweyne Xaaf ayaa waxaa lagu wadaa inuu soo xiro Shir maalmihii la soo dhaafay ka socday Magaaladaas..
Ammaanka Guud ee Magaalada Hobyo ayaa Maanta siweyn loo adkeeyay,waxaana halkaas la geeyay Ciidamo ka tirsan Booliska Galmudug.