Madaxweynaha Dowlad Goboleedka Galmudug Mudane Axmed Ducaale Geelle Xaaf ayaa hambalyo u diray Madaxweynaha maamulka Jubbaland Axmed Maxamed Islaam (Axmed Madoobe) oo todobaadkii la soo dhaafay lagu doortay Magaalada Kismaayo.
War-saxaafadeed ka soo baxay Xafiiska Madaxweyne Xaaf oo Taariikheysnaa 22-kii Bishaan Agoosto 2019 ayaa hambalyo iyio bogaadin loogu diray Axmed Madoobe,Guddiga Doorashada iyo shacabka reer Jubbaland.
Sidoo kale Madaxweyne Xaaf ayaa dowladda Federaalka Soomaaliya iyo dowlad Goboleedka Jubbaland ugu baaqay inay ka wada shaqeyaan sidii loo xalin lahaa Khilaafka soo kala dhexgalay labada dhinac.
Doorashadii Madaxweynaha Jubbaland ee lagu doortay Axmed Maxamed Islaam (Axmed Madoobe) ayaa Magaalada Kismaayo ka dhacday 22-kii Bishaan,waxaana hambalyada Madaxweyne Xaaf ay timid,kadib markii Maanta uu gaaray Magaalada Hobyo,isagoo maalmihii la soo dhaafay ku sugnaa Magaalada Muqdisho.
 Hoos ka Akhriso War-saxaafadeedka ka soo baxay Madaxweynaha Galmudug.
