Ciidamo ka tirsan kuwa amniga dowladda Soomaaliya ayaa xalay waxaa howlgal ay ka sameeyeen Xaafado ka tirsan Degmada Yaaqshiid ee Gobolka Banaadir.
Howlgalka ayaa Ciidamada waxaa ay sigaar ah uga sameeyeen xaafadda Carafaad oo ka tirsan Yaaqshiid,isla markaana waxaa lagu qabtay intii uu socday dad u badan dhalinyaro,kuwaasi oo looga shakiyay falal amni darro.
Wararka ayaa intaasi waxaa ay ku darayan in howlgalkaas lagu qabtay Sarkaal la sheegay inuu ka tirsanaa Al-shabaab xili uu ku sugnaa Guri ku yaalla Wada dayactirka ee Degmada Yaaqshiid.
Sidoo kale dadkii Ciidanka ay qabteen ayaa waxaa la isugu geeyay meel barxad ah,isla markaana waxaa la tilmaamay in qaarkood ay horey usii wateen,in kastoo weli wax war laamaha amniga dowladda ay soo saarin.
Inta badan Ciidanka amniga dowladda Soomaaliya ayaa waxaa xiliyada habeenkii ah ay howlgallo amniga lagu xaqiijinayo ay ka sameeyaan Xaafaddo ka tirsan degmooyinka Gobolka Banaadir.