Magaalada Dhuusamareeb ee Caasimadda dowlad Goboleedka Galmudug ayaa waxaa haatan Shir uu uga socdaa Hogaanka Sare ee Culimadda Ahlusunna Waljameeca.
Shirkan ayaa waxaa uu dhexmarayaa Guddoomiyaha Ahlusunna Macalin Maxamuud Sheekh Xasan,Madaxa Xukuumadda Galmudug Sheekh Maxamed Shaakir iyo xubno kale oo ka tirsan maamulkaas.
Sidoo kale Shirka ayaa waxaa looga hadlayaa arrimo kala duwan,waxaana kamid ah amiga Magaalada Dhuusamareeb iyo Ciidamadii ka socda dowladda Soomaaliya ee saakay ka degay halkaas iyo arrimo kale.
Warar la helayo ayaa waxaa ay sheegayaa in Shirka yahay mid Albaabada ay u xiran yihiin,isla markaana warbaahinta ay dib joog ka tahay Shirkaas haatan ka socda Magaalada Dhuusamareeb.
Shirkaan Hoggaanka Sare ee Ahlusunna Waljameeca ayaa waxaa uu ku soo aadayaa,iyadoo saakay diyaarado siday Ciidamo ka tirsan Booliska Soomaaliya ay ka degeen Magaalada Dhuusamareeb,kuwaasi oo la wareegay Xarunta Madaxtooyadda Galmudug ee Dhuusamareeb iyo xarumo kale oo ku yaalla halkaas.