Madaxweynaha dowlad Goboleedka Puntland Saciid Cabdullaahi Deni oo dhawaan Maamulka Somaliland ugu baaqay in wada-hadal lagu dhammeeyo muranka ka taagan dhulka ay Somaliland qabsatay,hayeeshee ayaa waxaa arrintaasi ka hor yimid Madaxweyne ku-xigeenka Puntland.
War qoraal ah oo ka soo baxay Xafiiska Madaxweyne ku-xigeenka Puntland Axmed Cilmi Cismaan Karaash ayaa waxaa lagu sheegay in Puntland aan wax gorgortan ah Somaliland lagala laga geli karin midnimada iyo xuduudaha Puntland ee Sool Sanaag iyo Cayn.
Sidoo kale Warka ka soo baxay Axmed Karaash lagu sheegay in qodobka 7-aad ee Dastuurka dowlad Puntland uu cadeeynayo in aan wax gorgortan iyo wada-hadal ah laga geli karin xuduudaha Dastuuriga ah ee Puntland gaar ahaanna dhulka Sool sanaag iyo Cayn ay ka haysato Somaliland.
“Fariinta ugu horaysa waxaan u dirayaa Soomaaliland, shaatigaaga waa lagugu qabsan karaa, dhulka Puntland ee ay kusoo xadgudubtey , wadahadal iyo nabad inaan ku dhammayno oo ku gar-naqsadaan baan ugu baaqaynaaâ€ayuu yiri dhawaan Madaxweynaha maamulka Puntland.
Dhinaca kale Axmed Cilmi Cismaan Karaash ayaa ka horyimid Guddiga KMG ah ee Doorashooyinka Jubbaland ee uu magacaabay Madaxweyne Saciid Deni,waxaana Axmed Karaash uu Guddigaas uu ku tilmaamay inuu yahay mid sharci darro ah.
 Hoos ka Akhriso Qoraalka ka soo baxay Madaxweyne ku-xigeenka Puntland.
Â
