Hogaamiyaha aqlabiyadda baarlamaanka Kenya Aadan Barre Ducaale ayaa si  adag uga hadlay khilaafka dhinaca Xuduud badeedka ee ka dhaxeeya Soomaaliya iyo Kenya waqtiga dheerna soo jiitamayay.
Aadan Barre Ducaale ayaa tilmaamay in wanaag badan uu ka dhaxeeyo Somaliya iyo Kenya waxaana uu sheegay in uu ka xunyahay in khilaafkaan uu meesha ka saaro derisnimada iyo wanaagii tan iyo xornimadii ka dhaxeeyay labada dowadood.
Dhinaca kale waxa uu sheegay in dadka Soomaaliyeed inta ay ku heystaan Kenya in aysan ku heysan dalalka kale ee caalamka sida Ganacsiga iyo nolosha kale gaar ahaana kuwa Africa ee deriska la ah Somali.
Waxa uu yiri Wasiirada Somalia Caruurtooda ayaa halkaan degan Madaxweynayaashii Somaliya soo maray iyo kuwa haatan Xaasaskooda ayaa halkaan degan intaas oo sano ayaana heynay Somali Xaqooti ah oo marti ay noo ahaayeen.
Hogaamiyaha Aqalabiyadda Kenya oo wax laga weydiiyay mowqifkiisa ku aaddan arrinka badda ayaa sheegay in Habeenkii uu yahay nin Keenyaati ah Habeenkiina Soomaali.
Halkaan Ka Dhageyso Codka
