Ninkaasi oo lagu magacaabo Kariim Xuseen waxa uu leeyahay Bar Facebook oo uu ku taageero Madaxweynihii hore ee dalka Masar, Xusni Mubaarak, oo Kacdoon Dadweyne xilka looga qadaay sannadkii 2011-kii.
Dacwad-oogayaasha Masar waxay Kariim Xuseen ku soo oogeen inuu faafinayey Warar Been Abuur ah iyo inuu wax u dhimay Danaha Qaranka, isagoo sheegay inaysan Dowladda Madaxweyne C/fataax Alsiisii wax taageero ah siinin dadka Saboolka ee uu Xusni Mubaarak dhaqaalaha siin jirey.
Eedeysanaha oo maalintii Talaaadada la xiray waxa uu Bog loogu magac daray: “I’m sorry, Mr. President” oo la micno ah “Waa ka xumahay Md. Madaxweyne “ ku leeyahay Facebook-ga, oo ay in ka badan 3 million Taageerayaal ama Macaamil ku xiran yihiin Boggiisa Facebook-ga.
Dowladda Masar waxay sannadihii la soo dhaafay xabsig dhigtay dad isugu jira Suxufiyiin, U-ololeeyayaal Xuquuqda Aadanaha iyo dadka wax ku qora Internet-ka ee Bloggers-ka iyo kuwo kale.
Â
