Ninkaasi oo 27-jir ah ayaa waxa Waaberigii hore ee saakayto oo Isniin ah lagu qabtay Garoonka Diyaaradaha Arlanda Airport oo ku yaalla caasimadda dalka Sweden ee Stocholm.
Afhayeenka Boliska dalkaasi, Lars Bystrom oo la hadlay Wakaalladda Wararka Jarmalka ee DPA ayaa sheegay in Ninka ay qabteen oo ah Muwaadin Ethiopian ah uu ku soo dhex dhuuntay Diyaarad Xamuul oo ay leedahay Shirkadaha Diyaaradaha Ethiopia Airlines.
Johan Live oo ka tirsan Shirkadda Swedaviam o oka shaqeysa Garoonkaasi ayaa sheeegay in Ninkaasi laga dhex helay qeybta Xamuulka Boorsooyinka ee diyaaradda, wuxuuna Ninkaasi sheegay inuu Diyaaradda ku soo dhex dhuuntay, ka hor intaysan ka soo duulin Garoonka Diyaaradaha ee Bole ee magaalladda Addis Abeba.
Ninka Ethiopianka waxa uu muddo 8 saacadood ku dhex jiray qeybta xamuulka ee Diyaaradaasi oo isaga kala gooshaysay Caasimadaha dalalka Ethiopia iyo Sweden.
Boliska Sweden waxay bilaabeen baaritaanka dhacdadaasi, oo ay kaga shakisan yihiin Xeellad cusub oo Is-xambaar ah, wuxuuna Ninka Ethiopianka ee la qabtay uu codsaday magangelyo Qaxootinimo.
Ma aha markii ugu horreysay oo Muwaadin Ethiopian ah ku soo dhex dhuunto diyaarad Xamuul, iyadoo bishii August ee sannadkii hore ay dhacdo noocan ah uu ku soo badbaaday Nin Ethiopian oo iska dhiibay dalka Sweden.
Â
