Wargeyska Maalinlaha ee Al-Ra’i ee ka soo baxa caasimadda dalka Kuwait ee Kuwait City ayaa qoray inuu Muwaadin u dhashay dalkaasi jir-dil u geystay Dhakhtar Soomali ah iyo mid u dhashay dalka Masar.
Labada Dhakhtar ayaa la sheegay in lagu dhex garaacay Rug Caafimaad oo ay ka hawl-galaan oo ku taalla faras-magaallaha caasimadda dalkaasi ee Kuwait City.
Labada Dhakhtar waxay Gal-dacwadeed ka buuxiyeen Saldhigga Boliska, iyagoo dacweeyey Muwaadinka u dhashay dalka Kuwayt ee iyaga jir-dilay.
Wargeyska Al-Ra’I waxa uu qoray inuu muran dhex maray Muwaadinka Kuwayt iyo Dhakhtarka Masaarida, kadibna uu Dhakhtarka Soomaaliga soo kala dhex galay, si uu u dejiyo Xiisadda, balse Ninkii Kuwayti-ga oo xanaaqay waxa uu feer la dhacay Labada Dhakhtar.
Wargeyska qoray dhacdadan ma uusan caddaynin inta uu la eg yahay dhaawaca soo gaaray Labada Dhakhtar iyo haddii la xiray Eedeysanihii falkaasi geystay.
