Boliska dalkaasi waxay sheegeen inay koox burcad ah ay Nin Muslim ah ku dileen Degmadda Puttalam.
Marxuumka oo 45 jir ahaa ayaa la sheegay in lagu dhuftay hub mudac leh, wuxuuna ku geeriyooday Isbitaalka.
Burcadda waxay kaloo dab qabadsiiyeen ugu yaraan 3 Dukaan oo ay Dad Muslimiin ah ku lahaayeen Degmadda Hettipola, waxay kaloo Burcadda dhac iyo burbur u geysteen Masjidka Abraar oo ku yaalla Degmadda Kiniyama ee dalkaasi.
Dhinaca kale, Dowladda Sri Lanka waxay soo rogtay bandow habeenimo, waxaana la xiray Baraha Bulshadda, kadib, markii ay Burcadda Kirishtaanka weerareen Masaajid iyo goobo ganacsi oo ay dadka Muslimiinta ku leeyihiin Gobalka W/galbeed ee dalkaasi.
Bishii la soo dhaafay ee April 21-dii waxaa weeraro Is-qarxin ah lala beegsaday Kaniisado ku yaalla dalkaasi, iyado oay ku geeriyoodeen in ka badan 250-qof, halka 500 oo kale lagu dhaawacay.