Guddoomiyaha Gobolka Banaadir ahna Duqa Muqdisho Cabdiraxmaan Cumar Cismaan (Eng.Yariisow) ayaa waxaa uu ka hadlay howlgalada Ciidanka amniga ay ka wadaan Magaalada Muqdisho ee Caasimadda dalka Soomaaliya.
Guddoomiye Yariisow ayaa waxaa uu sheegay in 40 cesho oo ay socdaan howlgadii uu ku dhawaaqay ay meel wanaagsan marayaan,isla markaana taasi ay ku imaaday wadashaqeyn dhexmartay laamaha amniga dowladda iyo Shacabka Soomaaliyeed.
Sidoo kale waxaa uu sheegay Duqa Muqdisho in loo baahan yahay in la sii adkeeyo amniga Caasimadda inta lagu guda jiro Bisha Barakeysan ee Ramadaan,isagoona ugu baaqay shacabka in ay ka qeyb qaataan sugida amniga.
Isaga oo sii hadlaayay ayuu Ciidanka amniga Qaranka u mahad celiyay,isla markaana ku amaanay sida ay uga hortageen falal amniga darro oo ka dhici lahaa Magaalada,kuwaasi oo uu xusay inay geysan lahaayeen Khasaaro kala duwan oo soo gaari lahaa Shacabka.
Guddoomiyaha Gobolka Banaadir ahna Duqa Muqdisho Cabdiraxmaan Cumar Cismaan (Eng.Yariisow) ayaa waxaa uu Magaalada Muqdisho daba yaaqada Bishii Maarso ee sanadkan uga dhawaaqay in ay ka bilaaban doonaan howlgalo lagu xaqiijinayo amniga Caasimadda,kuwaasi oo uu sheegay in ay ka duwan yihiin kuwii horey loo sameeyn jiray,waxaana habeen walbo Ciidamada amniga howlgalo kala duwan ka sameeyaan degmooyinka Gobolka Banaadir.