War Goordhow  soo gaaray Idaacada Dalsan ee Magaalada Muqdisho ayaa waxaa uu sheegayaa in Guri ku yaalla Degmada Kaaraan ee Gobolka Banaadir uu ka kacay dab xoogan.
Dabkan ayaa waxaa uu ka kacay Guri Jiingad ah oo ka kooban 5 qof oo ku yaalla Xaafada Jamhuuriyo ee Kaaraan,kaasi oo baabi’iyay Guriga uu ka kacay,isla markaana waxaa uu ka dhashay Koronto.
Dad goobjoogayaal ah ayaa Dalsan u sheegay in goobta uu ka kacay dabka ay soo gaareen gaadiidka dab-demiska maamulka Gobolka Banaadir laguna guuleystay in la demiyo dabkaas.
Sidoo kale Guddoomiyaha Degmada Kaaraan iyo mas’uuliyiin kale ayaa halkaasi gaaray,isla markaana ka qeyb qaatay sidii loo demin lahaa dabkii ka kacay Guriga ku yaallay Xaafada Jamhuuriyo.
Dadkii ku noolaa Guriga ayaa waxaa la sheegay in ay isaga baxeen markii uu dabka kacay,mana jiro wax Khasaaro nafeed ah oo ka dhashay,hayeeshee waxaa ku baaba’ay Guriga oo dhan.
