Magaalada Baydhabo ee Caasimadda KMG u ah maamulka Koonfur Galbeed Soomaaliya ayaa waxaa ka socota Doorashada 3 kursi oo ka banaan Golaha shacabka Baarlamaanka Federaalka Soomaaliya.
Kuraasta la dooranayo waxaa kala baneeyey Xuseen Cismaan Xuseen Taliyihii hore ee hay’adda Nabadsugidda Soomaaliya, Axmed Cabdulle Mayow (Cornel Ruush) oo dhintay iyo Madaxwaynaha Koofur Galbeed Cabdicasiis Xasan Maxamed.
Cali Kheekh Cabdullaahi (Cali Afgooye) ayaa ku guuleystay kusigii uu baneeyay Taliyihii hore ee hay’adda Nabadsugidda Soomaaliya Xuseen Cismaan Xuseen,sida uu ku dhawaaqay Guddiga Doorashada Qaranka.
Sidoo kale Guddiga Doorashada qaranka ayaa sheegay in la waayay Musharaxii la tartami laheyn Cali Afgooye,isla markaana uu ku maqan yahay dalka Canada,kaasi oo la dhashay Taliyihii hore ee hay’adda Nabadsugidda Saciid Cali Cismaan Xuseen.
Doorashada ayaa ah mid weli socota Magaalada Baydhabo ee Caasimadda KMG u ah maamulka Koonfur Galbeed Soomaaliya,waxaana dhiman oo kaliya laba kursi.