Dowladda dalkaasi waxay ku dhawaaqday Bandow, kadib, markii ay 8 qarax ka dhaceen caasimadda dalkaasi ee Kolombo.
Dhismooyin Kaniisado iyo Hoteelo ayaa la beegsaday, iyadoo la sheegay in ka badan 140 qof lagu dilay, halka in ka badan 500 oo kalena lagu dhawaacay.
Wasiirka Difaaca ee dalkaasi, Ruwan
Wijewardene oo Suxufiyiinta kula hadlay caasimadda dalkaasi ee Kolombo ayaa sheegay in la soo rogay Bandow socon doonaa 6-da maqribnimo ee maanta ilaa 6-da aroornimo ee berrito oo Isniin ah.
Boliska dalkaasi waxay sheegeen inay 8 qarax ka dhaceen caasimadda Kolombo, iyadoo qarixii ugu dambeeyey lala beegsaday Deegaanka Dematagoda ee Waqooyiga Caasimadda.
Dhinaca kale, Saraakiisha Dowladda waxay sheegeen in la xayiray dhamaan Baraha Bulshadda ee gudaha dalkaasi, si looga hortago in lagu faafiyo wararka borobogaandada iyo in la abuuro qalalaaso.
Shabakadaha Warbaahinadda Bulshadda oo ay ku jiraan Facebook iyo WhatsApp-ka ayaa la sheegay in gebbi ahaanlaga xayiray gudaha dalkaasi.
Caasimadda dalka Sri Lanka ee Kolombo waxay maanta u ahayd maalin wehel u noqotay Qaraxyo, iyadoo inta badan qaraxyadda lala beegsaday Kaniisado iyo Hoteelo loogu dabaal-degayey Maalinta ay dadka Kirishtaanka u yaqaano “The Sunday Easterâ€.
