Telefishinka Alarabiya ee ay Dowladda Sacuudiga leedahay ayaa sheegay in la fashilay weerar ay kooxo hubeysan ku soo qaadeen Saldhig Bolis oo ku yaalla duleedka caasimadda dalkaasi ee Riyadh.
4 dabley ah ayaa lagu dilay weerarkaasi oo ka dhacay Saldhig Bolis oo ku yaalla Degmadda yar ee Zulfi oo 250-KM dhanka W/galbeed kaga toosan caasimadda Riyadh.
Muquaal Video oo la soo dhigay Baraha Bulshadda ayaa laga arkayey gaari taagnaa bar Kontorool iyo dhiig dhulka ku daadsanaa, iyadoo la maqlayey dhawaaqa rasaasta.
Telefishinka Alarabiya waxa uu sheegay in dableyda weerarka soo qaatay wateen qoryaha darandooriga u dhaca, Bambooyin iyo Bambooyin Batrool ahaa.
Sannadkii hore, tiro ka tirsan Ciiddanka Ammaanka iyo Muwaadin u dhashay Bangaladesh ayaa lagu dilay weerar lagu so oqaaday Bar Kontorool oo ku taalla agagaarka Degmadda Bureydah, iyadoo weerar kale oo ka dhacay Degmadda Taa’if ee Galbeedka dalkaasi lagu dilay Hal Askari.