Ugu yaraan 4 qof ayaa geeriyootay, 20-kalena wey ku dhawaacmeen duqeyn saqdii dhexe ee loo geystay qeybo ka tirsan Koonfurta magaalladda Tripoli.
Afhayeenka Hay’adda Gurmadka Degdegga ee magaalladda Tripoli, Osman Ali ayaa sheegay inay madaafiic ku dhaceen Degmadda Abu Saalim ee Koonfurta Tripoli, iyadoo Dayanka Madaafiicda laga maqlayey bartamaha magaalladaasi.
Degmadda Abu Saalim waxay ku taallaa meel ku dhow waddada tagta Garoonkii hore ee Diyaaradaha ee Koonfurta Tripoli.
Ciiddan u daacad ah Taliyaha Ciiddanka Qaranka Liibiya, Fild Marshal Khaliifa Xaftar ayaa waxay bishan 4-dii bilaabeen weerar ay ku doonayaan inay ku qabsadaan magaalladda Tripoli, waxaana ilaa iyo haatan dagaalladaasi lagu dilay ugu yaraan 174-qof, halka 756 kalena lagu dhaawacy.
Dhinaca kale, Golaha Ammaanka ee QM waxay xalay bilaabeen inay ka wada xaajoodaan Qoraal Qabyo ah oo ay Dowladda Britain ka diyaarisay Dagaalladda ka socda dalka Liibiya, waxayna ku baaqeen Xabbad-joojin degdeg ah.
