Wararka naga soo gaaraya Isgoyska Maan-Booliyo ee Magaalada Muqdisho ayaa waxaa ay sheegayaan in halkaasi daqiiqado kahor uu dagaal culus ku dhexmaray Ciidamo ka wada tirsan dowladda Soomaaliya.
Ciidanka Milateriga iyo kuwa Booliska ee dowladda ayaa waxaa la sheegay in is rasaaseyn xoogan ay ku dhexmartay Isgoyska Maana-booliyo ee Magaalada Muqdisho,waxaana ka soo baxaya warar kala duwan.
Qaar kamid ah degmooyinka Gobolka Banaadir ayaa waxaa laga maqlay is rasaaseynta dhexmartay labada Ciidan,hayeeshee haatan ay istaagtay.
Dad goobjoogayaal ah oo la hadlay Dalsan ayaa u sheegay in Ciidanka milateriga ah marka hore ay ka yimideen dhinaca Degmada Balcad ee Gobolka Shabeellaha Dhexe,isla markaana Ciidamo Boolis ah oo ku sugnaa Isgoyska Sanaca ay u diideen inay wadada maraan,isla markaana uu dagaalka sidaasi ku bilowday.
Wararka qaar ayaa waxa ay sheegayaan in khasaaro isugu jira dhimasho iyo dhaawac uu ka dhashay is rasaaseyntaas.
