Gudoomiyaha gobalka Banaadir ahna duqa magaalada Muqdisho Eng: C/raxmaan Cismaan Yariisow ayaa mar kale ka hadlay digreetadii horay uga soobaxday xafiiskiisa ee lagu mamnuucay in lasii degnaado dhulkii ciidanka badda iyo guryihii taliyaha ciidankaas.
Waxa uu sheegay gudoomiyuhu in weli go’aankaas uu sidiisii yahay isla markaana ay jiraan siyaasiyiin degan dhulkaas oo ku andacoonaya in ay u heystaan warqado cadeynaya in ay siiyeen dowladihii dalka soomaray hase’ahaatee uu tilmaamay in ay ka dalbadeen in ay horyimaadaan lana eego sax ahaanshihiisa.
Gudoomiyaha gobalka Banaadir ayaa tilmaamay in aysan jirin cid ka hor imaan karta go’aankiisii ahaa in laga guuro dhulkaas si loo dejiyo diblumaasiyiinta,isaga oo intaas kusii daray in aan la aqbali doonin in la keensado maleeshiyaad sida uu hadalka u dhigay.
Ugu dambeyntii waxa uu sheegay in sharciga la hor keeni doono cid kasta oo dhibaato ka geysatay dalka shacabkunna ay la xisaabtami doonaan.
Halkaan Ka Dhageyso Codka.
