Aqalka dowlada hoose ee Xamar ayuu ka dhacay shirka tubta gudi hoosaadkiisa oo loogu hadlayay dhaqaalaha iyo howlaha guud iyadoo uu shir Gudoomiyay Guddoomiyaha Gobolka Banaadir ahna duqa Magaalada Muqdisho mudane Cabdiraxmaan Cumar Cusmaan (Eng:Yariisoow).
Shirkani ayaa waxaa goob joog ka ahaa guddoomiye ku-xigeenka maamulka iyo maaliyadda Gobolka Banaadir waxana kasoo qeyb galeen guddoomiyaal degmo iyo agaasimayaasha dowlada hoose ee Xamar waxaana inta uu socday aad loo falan qeeyay sida ugu haboon ee loo fulin karo qorshayaasha la soo bandhigay kuwaas oo qeyb ka qaadanayo kubaca dhaqaalaha, nabad-galyada iyo in caasimadda laga fuliyo mashaariic dhowr ah oo ay shaqa abuur ka helayaan muwaadiniinta Soomaaliyeed.
Duqa Magaalada Muqdisho mudane Eng Yariisoow ayaa shirka kadib waxa uu la hadlay warbaahinta qaranka isagoo sheegay in maamulka Gobolka Banaadir ay ka go’an tahay sidii Caasimadda ay ula mid noqon laheyd caasimaddaha dhigeeda ah.
