C/llaahi Xasan Shariif oo ku eedeysan inuu weeraray Sarkaal Bolis iyo inuu gaari jiirsiiyey dhor qof magaalladda Edmonton ee dalkaasi ayaa la filayaa in bishan 28-da la soo Maxkamadeeyo.
Eedeysanaha oo 32-jir ah ayaa waxaa horey loogu soo oogay 11 fal-dembiyeed oo ay ku jiraan 5 dembi oo isku-day dil ah, kadib, markii uu 2 gaari ku weeraray dadkaasi bishii September 30-dii ee sannadkii 2017-kii.
Boliska waxay markii hore dhacdadaasi ku tilmaameen fal Argagixiso, inkastoo dacwadaha lagu soo oogin aysan wax xiriir ah la lahayn Argagixsenimo.
Eedeysnaaha ayaa la sheegay inuu Khamiistii hore xaqiijiyey inuu isagu is-difaaci doono Maxkamadda, isla markaana uu joojiyey 2 Qareen oo isaga difaacaysay.
Balse, Maxkamadeyn hordhac ah waxaa isaga Maxkamadda u matalayey Qareen lagu magacaabo Karanpal Aujila
Dhinaca kale, C/llaahi Xasan Shariif ayaa la filayaa inuu bishan 28-da ka hor hadlo Maxkamadda, iyadoo uu Turjumaan wehlinayo.
Dhegeysiga Dacwadaai ayaa waxaa horey loo qorsheeyey inay bilaabanto bisha October ee sannadkan, balse ma kala cadda waxa bedelay jadwalka Maxkamadda.